betiere. Ez da beti ere. Ikus Hiztegi Batua.

BOEren euskarazko gehigarria. Euskal Legezalea blogean jakin genuen 2011ko abenduaren 1az geroztik euskarazko gehigarria argitaratzen dela BOErekin: aldizkariaren 1. Atalaren (“Xedapen Orokorrak”) aurkibidea argitaratzen du egunero euskaraz, eta, bestalde, lege-mailako xedapenen euskarazko testu osoa –lege, lege-dekretu eta legegintzako dekretu–. Zenbait gauza aipagarri: a) EHAAn argitaratutako testuak gaztelaniaz bakarrik eskaintzen dira zenbait tokitan (orain, lehen ez bezala, aparte doaz EHAAn gaztelaniazko testua eta euskarazkoa). b) Nafarroako testuak ere gaztelaniaz eskaintzen dira BOEn, nahiz eta euskarazko testua ere baden NAOn.